《讀者投稿》
拍拖嗰陣同男朋友計劃一年後結婚，未來奶奶竟然因為我無喺年初一去同佢拜年，叫我未婚夫同我取消婚事，阿未來奶奶，而家咩年代啊，取消婚事咁老土嘅字眼你都用得出，我想同你講我未嫁㗎，一定要初一同你拜年咩，初二四五六七拜年唔得㗎咩？
有年父親節，老公屋企人約左同老爺外出食晏慶祝，我同老公有共識下晝同老爺慶祝左，咁夜晚就同我爸爸慶祝啦，點知父親節當日下晝食食下飯，我奶奶無啦啦叫我老公同我今晚上去老爺奶奶屋企食飯，我老公話"今晚約左外父外母食飯啊..下次先啦" 我奶奶即刻比說話我地聽"哦…外父節"
聽完勁嬲，係咪我爸爸就唔洗慶祝父親節？況且當日下晝奶奶你個女同你女婿都在場，你女婿都係慶祝緊"外父節"？
奶奶可唔可以唔好咁自私，你個女就可以每逢大時大節番娘家，人地個女想同屋企人食餐飯都有說話聽。
奶奶每逢節日都必定要求正日做節，但係點解大姑奶逢大時大節都可以番娘家呢，大姑奶都係人地個新抱啊。
另外因為肺炎疫情bb百日宴取消左，99叫我地改為上佢屋企食飯同埋拜祖先，老公話唔番去啦唔敢帶bb出街，99就鬧話衣家係咪連祖先都唔要啊？咁你生個仔出黎做嘜，阿99衣家香港咁嘅環境祖先在天之靈都會明白啦都會原諒啦，係得99你一個咁唔化，bb咁細個衣家風頭火勢都唔會帶佢周圍去啦，有咩事邊個負責啊
同埋6299同埋毒姑成日都番澳門，哩排見毒姑仲要帶口罩帶喺個下巴，咁樣等於無帶唔知佢帶黎做咩，衣家咁多隱形病患者，一啲意識都無，仲敢叫我地帶bb番去。。。
＃我的極品四大長老
Search